CARAVEIS DE CORES

Así quedou un dos caraveis ( o da esquerda, na foto non se  aprecia moito) que deixamos o venres no colorante.Hoxe estivémolos comparando cos que quedaron só en auga. Chegamos á conclusión de que botamos demasiada auga e por iso se tinguiron pouco.

Outras actividades relacionadas coas plantas:

Saída ó patio dos maiores para recoller flores silvestres. Atopamos unha con raiz e "plantámola" para observar   a evolución durante varios días. Vimos como unhas secaban moi rápido e as que estaban en auga ou na terra non.Comparamos as cores, as formas...

Mural da PRIMAVERA

Flores con pegatinas

Precioso antiface  dunha bolboreta primaveral!

MAMÁ CABRA

O pasado día 19 desprazámonos ata Pontevedra para ver unha actuación de Mamá Cabra, que este ano cumpren 15 anos facendo felices ós máis pequenos. Pasámolo moi ben e gustounos moito. Mágoa que a gripe nos impediu ir a todos e que a choiva non nos deixou xogar un pouco despois da actuación. Outro día será.

Que formales!

AS PLANTAS

Este trimestre estamos aprendendo moitas cousas sobre AS PLANTAS. Entre outras actividades , fixemos unha observación de distintas sementes e plantamos chícharos:

Pasados uns días vimos que empezaban a nacer e agora xa están así de altos:

.Agora xa sabemos que precisan luz, auga e coidados.Levarémolos para a casa para plantalos nunha maceta máis grande e seguir observando o seu crecemento.

O venres a mestra trouxo uns caraveis brancos. Dixemos o seu nome, ulímolos e logo fixemos un pequeno experimento. O luns cando cheguemos ó Colexio veremos que pasou. Precisamos:

         - Caraveis brancos
         -Auga
         -Colorantes

Tinguimos auga con distintas cores.

Rematado o proceso, metemos dous caraveis en cada vaso, un dos cales  só ten auga e debuxamos o que fixemos.

Que pasará o luns? 

DIA DO LIBRO

Por mor do 400 aniversario da morte de Miguel de Cervantes, este ano o 23 de Abril é ainda máis especial. No noso Centro tratamos de  familiarizar ós nenos mais pequenos co Don Quijote , dende a Biblioteca e tamén nas aulas. Como remate, o venres levamos un márcapáxinas para a casa.

Tamén participamos na actividade "ler conta moito", desprazándonos ata a Biblioteca do Concello. Alí contáronnos  contos e  fixemos uns experimentos moi interesantes:

Gustounos moito , sobre todo poder participar activamente.

E para rematar animáronnos a visitar a Biblioteca e déronnos un libro como agasallo.

  Grazas!