O GRILO

Esta semana , aproveitando que apareceu un grilo no Colexio,estivémolo observando  e aprendemos algunhas  cousas curiosas sobre este insecto. Por exemplo, que para producir o seu son levantan as ás e frótanas unha contra a outra. Só cantan os machos, para atraer ás femias e son omnivoros ( tanto comen follas e talos como insectos).

Despois tamén vimos outros "bichiños"

do noso baúl dos tesouros. E o grilo

soltámolo na herba para que siga o seu camiño.

CURIOSIDADES

No suplemento dun xornal aparece esta foto:

Son dúas  crías de raia Mosaico, nacidas nun Aquarium de Londres. O que parecen ollos son en realidade orificios nasais. Os ollos están do outro lado . Realmente curioso!

O OUTONO II

Esta semana convidáronnos a visitar os espazos comúns de Primaria. Alí teñen unha exposición sobre O OUTONO con produtos que trouxeron os nenos/ as.

Vimos cabazas, millo de distintas cores, cogumelos, castañas e moitas mais cousas.

Usando os distintos sentidos podemos aprender un montón de cousas. Podemos ver, ulir , escoitar e (xa de volta na clase) mesmo

tocar e probar algún producto.

CASTIÑEIROS E CARBALLOS

Onte estivemos observando os ourizos que trouxo a profe Manola e tamén as follas de castiñeiro:

No Colexio non temos ningún prantado. O que si temos son uns carballos ben fermosos. Aproveitando que facía bo día, fomos ata eles . Alí vimos que as follas tiñan unha forma diferente ás que xa víramos e que os froitos son as landras.

Tamén recollemos follas e algunha landra para poñer na árbore da nosa clase.

Xa de volta na clase, probamos un cachiño de castaña ou de noz.(O

que quixo probou  un pouquiño das dúas).

        

FACENDO PLASTILINA

Cando a profe nos dixo que íamos amasar, algúns non queríamos
manchar as mans. Pero isto foi so ó principio.
 Podíamos facer a nosa propia pasta de modelar,cun toque diferente.
 Precisamos: 
                    - Auga de cocer remolacha
                    - Aceite
                    - Fariña
                    - Sal
                    - Esencia de vainilla para que ula ben, pero non se pode comer!
                    -Por si non tinguia bastante, engadimos un pouquiño de témpera.
                      

Despois de amasar, estiramos ben e cortamos uns osiños e unhas

flores.Así cada un podía elexir o que quería levar á casa.

Repetiremos, xa que saiu moi ben!

AS RUTINAS

Cada día, cando chegamos ó Colexio, o primeiro que facemos é poñer cada cousa no seu sitio ( abrigos, merendas...) e coller o 
noso mandilón. Cada vez sabemos facer mais cousas soiños.

Despois imos a sentarnos, cantamos algunha canción e miramos a quen lle toca ser " o encargado/a". Este pasa lista, mira o tempo que fai, etc.

Despois podemos ler un conto, falar ou facer algunha actividade na mesa. Gústanos moito:     
                                         PINTAR

                             





                                       XOGAR

                                   FACER PUZZLES

E , por suposto, a media mañán repoñemos forzas cunha merenda  ben rica. Temos que estar sentadiños e deixar a nosa mesa limpiña.
Ainda que  algunha vez esquecémonos.



           

                                    

O OUTONO

Estamos aprendendo moitas cousas sobre o OUTONO. Esta semana cantamos algunhas cancións e tamén vimos un conto. De fondo, a música de Vivaldi adicada a esta estación:

GUSTOUNOS MOITO E ADEMAIS ACABOU BEN